دكتور عيون اول عمليه ليه بعد لما خلص بيشيل الشاش من على عين المريض قاله دول كام؟ قال مش شايف قاله طب دول قال مش شايف راح مسك ودنه وقاله ايه دى قال ودنى قالو ياشيخ خضتنى عليييييييييك
واحد بالجيش اسمه ثابت كل ما يصرخ الضابط ثابت يقول : افندم!!! الضابط يقوله : يا بابا مش انته ,أنا قصدي خليك ثابت مكانك علم الضابط ان الوزير حيزورهم وقال : أكيد ثابت حيفضحني قدام الوزير ، فأحسن لي أطلعه اجازه فى يوم وصل الوزير صرخ الضابط : ثابت ...صرخوا المجندين كلهم : مش هنا يافندم طلع اجازه
واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين ... ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد
مره قرية كلها أغبيا كان فيها حفره كل يوم واحد يقع فيها عملوا مجلس علشان يشوفوا حل للحفره دي قام واحد وقال يا جماعه احنا نحط عربية اسعاف جنب الحفره علشان المصابين يتنقلوا بسرعه قام التاني قال احنا نبني مستشفى جنب الحفره علشان يتنقلوا أسرع قام التالت قالهم يا جامعه انتوا مغلبين نفسكم ليه احنا نردم الحفرة دي ..ونحفر واحدة تانية جنب المستشفى
مرة واحد غبى ماشى فى الشارع لقى قرد مشي بيه قابل عسكرى مرور سألوا اودى القرد ده فين العسكرى قال له ودىه جنينة الحيوان تانى يوم معدى بالقرد العسكرى قال له مش قلتلك وديه جنينة الحيوان قال له ما أنا وديته امبارح ، النهاردة بقى هاوديه السينما